Mohamed Eldegla Designs
شارك الان لنشر المعرفة

ما تم انجازه خلال عامين

 وجودكم بيفرق 😍

طول سنتين فاتوا كنا فى خدمتكم من خلال استوديو دجلة المعماري اللى بنحاول من خلاله نطور مهاراتكم دايماً فى المجال المعمارى فقدمنالكم دورة "البداية الصح فى الماكس المعمارى" لاننا عارفين قد ايه هيا مهمه لكل مبتدئ فى مجال العمارة او حتى الى عايز يدخل المجال ومش خريج كلية هندسة قسم عمارة.

الدورة هى شرح بسيط وسهل لكل الخطوات الي بتمر بيها عشان تقدر تستخدم برنامج الثري دي ماكس في انك تعمل مشروعات متكاملة انتريور او اكستريور بتبدأ من اول أساسيات التعامل مع الماكس بعد كدا المودلينج والاضاءات والماتريالز واضافه البلوكات واعدادات الريندر وكمان تعديل الصور النهائي بالفوتوشوب لحد ما بنعمل مع بعض مشروعين كاملين في اخر الكورس واحد انتريور وواحد اكسترويور عشان تمر بكل المراحل بشكل كامل وتخرج قادر فعلاً تعمل شغل متكامل بنفسك.

قدمنا مع الدورة دى حاجات تانية كتير كان منها : 

  • 11 ورشة عمل مختلفة مع مجموعات رائعة 

ورش العمل قدمناها كدعم إضافي ليكم عشان تكونوا قادرين تتواصلوا بشكل مباشر مع المدربين وتقابلوهم  عشان يجاوبوا على كل اللي بيدور فى بالكم من اسئلة و يحلوا جميع مشاكلكم أول بأول وتتواصلوا مع باقي المتعلمين فى الدورة وتتفاعلوا معاهم.

الورش بيتم فيها حاجات كتير  بنخلط فيها بين التعلم الاونلاين والتطبيق المباشر بإشراف مدرب متخصص، كل متعلم بيشوف فيديوهات الدورة وبيطبق عليها أول بأول داخل الورشة مع متابعة مستمرة من المدرب لحد ما تخلص التطبيق الى بتعمله، كمان فيه حلقات نقاش مستمرة عن الدورة والتطبيقات العملية لكل جزء فيها.

فى نهاية كل ورشة و الى بتستمر لأكثر من 30 ساعة فى خلال  5 أسابيع بيكون كل متعلم عمل تطبيقات كتيره تقريباً 30 تطبيق على البرنامج. عشان كدا في نهاية الورش بيكون كل متعلم مر بنفسه على كل الأدوات والعمليات الي بيحتاجها عشان يطلع أعمال متكاملة يقدر يوظفها كويس في مشروعات الكلية لو كان طالب أو مشروعات في السوق.

  • منظومة تعليمية online

لأن المحتوى الى بنقدمه من خلال "دورة البداية الصح فى الماكس المعمارى"، محتوى مهم فكان هدفنا الأساسى اننا نتيح المنظومة التعليمية بشكل كامل على الانترنت ودا لاننا حريصين على توفير وقتكم وجهدكم وكمان نقدر نوصل لكل الناس في جميع دول العالم بسهوله.

منصة التعليم عندنا بتقدم مزايا كتير للمتعلمين أهمها اننا بنوفر الدروس في صورة فيديوهات قصيرة بشكل دائم وعلى كل درس تمرين كل متعلم بينفذه ويسلمه فاحنا بنصححه وبنوجهكم دايماً للافضل، كمان بيتم من خلال المنظومة دى عمل ردود سريعة على كل الأسئله الى بتوصلنا وتعليقاتكم المستمرة وكمان تقدروا تتواصلوا مع المحاضرين والمدربين بشكل شخصي.

  • جروب دعم على الفيس بوك

وصلتنا أسئله كتير جداً منكم فى خلال العامين عشان كدا فكرنا نعمل مجتمع خاص بينا يكون لكل المتدربين فى الدورة يكون فيه تواصل مستمر معاهم ونرد على اسئلتكم واستفساراتكم فى أوقات معينة لكدا ودى كانت من التجارب الحلوه جداً الى عملناها لانها زودت التفاعل بين المتدربين رغم انهم من اماكن وثقافات مختلفة، كل متدرب كان بيسأل على الجروب كان بيلاقى رد سريع من متدرب تانى يمكن يكون ميعرفوش الا ان الجروب خلق الر وح الجميلة دى بينا، كمان بندخل نرد على كل التعليقات دى بشكل اوضح.

  • ورش عمل لايف على الفيس بوك

على مدار سنتين قدمنالكم ورش عمل اونلاين على جروب الدعم على الفيس بوك والى كنا بنرد فيه على كل أسئلتكم و استفساراتكم ومشاكلكم الي بتواجهكم باستمرار فى البرنامج أو المشروعات الى بتعملوها، فى الورش دى كنا بنتكلم عن موضوع جديد ونركز  عليه ونفتح مجال للحوار قدام الجميع عشان نقدر نستفيد كلنا بشكل كبير من خبراتنا.


انضم لينا مجموعة محاضرين و عملنا فريق عمل رائع ...

م/ محمد سامي

م/ اسلام يسري

علشان نقدم محتوى قوى يليق بيكم اتعاونا مع مدربين عندهم كفاءه عالية جداً زى م/ محمد سامى و م/ اسلام يسرى.

كمان عملنا فريق عمل حلو جداً فى حاجات كتير زى السوشيال ميديا والتسويق وكتابة المحتوى والتصميم و خدمة العملا عشان نرد على استفساراتكم أول بأول ونكون دايماً عند حسن ظنكم.

وصلنا لفين !!

بفضل الله قدرنا نفيد طلبة العمارة فى جميع محافظات جمهورية مصر العربية وكمان اكتر من 25 دولة على مستوى العالم هما (الجزائر، المانيا، هولندا، العراق، الأردن، الكويت، لبنان، ليبيا، المغرب، عمان، فلسطين، قطر، روسيا، المملكة العربية السعودية، السنغال، السودان، السويد، سوريا، تونس، تركيا، أوكرانيا، الإمارات العربية المتحدة، الولايات المتحدة الأمريكية وأخيراً اليمن).. عندنا طموح نوصل لأبعد من كدا كمان.

مسابقة أسبوعية لاختيار أفضل تطبيق على الماكس ...

عملنا مسابقات شهرية وأسبوعية كان هدفها تشجيعكم تطبقوا باستمرار ونعمل حالة منافسة دائمة عشان تحفزكم تطوروا مستواكم وتستمتعوا بالتعلم معانا.

المسابقة بتتعمل على مرحلتين أسبوعية (بتبدأ السبت وتنتهي الجمعة) و شهرية (كل شهر بيكون فيه تصفية بين الأربعة الفايزين فى الاربع اسابيع لنفس الشهر فتبدأ المنافسة بينهم في المرحلة الشهرية وبيكون التحدي وقتها على صورة من اختيارنا بتشتغلوا عليها لمدة أسبوع وفي الاخر بنختار الفايز بالمرحلة الشهرية منهم).

الجوائز بتكون:

  • درس كامل أونلاين عن أي موضوع يطلب تعلمه بشكل شخصي.
  • بنعلن التصميم على صفحتنا على الفيس بوك.
  • خصم 1000 جنية على اى كورس يشترك فيه.
  • كمان فيه " الفلاشة الذهبية " ودى فلاشة 16 جيجا عليها مجموعة من الأدوات والموارد القوية جدا الي بتميز صاحبها في الشغل عن كل اللي حواليه.

تعليقاتكم ...

وصلتنا ردود أفعالكم الى كانت حلوه جداً اتكلمتوا فيها عن اعجابكم بالعملية التعليمية ككل والمحتوى الي بنقدمه والتطبيق العملي الدائم على البرنامج على عكس الطريقة التقليدية فى التعليم التى تهتم أكثر بالأمور النظرية والتطبيق الأقل على البرنامج.

 تعليقاتكم بتزود المسؤولية علينا عشان نكون دائماَ عند حسن ظنكم وفوق المستوى الى بتتوقعوه دايماً.

بنشكركم جداً على وجودكم جنبنا وتفاعلكم وعلى ثقتكم الغالية.

طريقة الشرح والنظام كويسين جدا جدا جدا

انا اخدت كورس الماكس 3 مرات .. وكنت مستصعباه ومش عارفة اشتغل عليه وكل مرة اسيب الكورس ومكملوش .. وفقدت الامل انى اشتغل ماكس حتى بعد مااتخرجت مكنتش ناوية اشتغل بيه .. ف اضريت لظروف الشغل انى اخد الكورس ..
سالت الاول عن حد كويس ويحببني فالماكس .. واحده صاحبتي قالتلى على blanoia ف قررت اجرب وتكون المرة الاخيرة ..
وبدات الكورس فعلا ف blanoia والحمدلله حبيت الماكس جدا وبقيت عاوزة اشتغل عليه علطول وطلع برنامج سهل الحمدلله مش زى ماكنت مستصعباه ..
طريقة الشرح والنظام كويسين جدا جدا جدا والنظام يشجع على المزاكرة والتطبيق ..
شكرا blanoia ويارب دايما ف تقدم
اسفة على الاطالة

profile-pic
نادية
خريجة من قسم العمارة اكاديمية الدلتا

كورس مميز

دى تالت مرة اخد كورس الماكس بس اول مرة محسش انى تايهه من كتر الأوامر واللى مميز بجد ان التطبيق علطول يعنى مش هستنى لآخر الكورس عشان اطبق واكون نسيت كمان حاسه انى مبسوطه جدا وانا باخده ومتحمسه اوى بجد رغم انى باخده اونلاين كمان البشمهندس بيرد على كل أسألتى مهما كانت بسيطه

profile-pic
غادة الأنصاري
مهندسة معمارية

الاهتمام بالدارس حتى يصل لاهدافه

الكورس رغم بساطة الشرح و صغر مدة الدروس الا انها فيها الخلاصة و الحاجات اللي محتاجها المعماري عشان يقدر يعمل نمذجة للمشروع بتاعه في اقل و اسرع وقت
و ميزة الكورس الكبيرة الاهتمام بالدارس و حل المشاكل كلها اللي بتعلمه ازاي يحلها و ايه اسبابها دة بيخليه يتطور بسرعة في البرنامج و يقدر يتعامل مع الماكس لوحده بعد كدة

كورس رائع و شامل

profile-pic
محمد ايهاب
مهندس نمذجة معلومات البناء

كورس يتحدى الوقت والاختلاف بين المستويات

الكورس مختلف جدا في مميزات كتير :
1- ان كل واحد مسؤل عن الtrend بتاعه وان المستويات مختلفة في نفس الوقت
2- الفيديوهات قصيرة دي ميزة أكتر من أي فيديو على النت
3- فكرة التطبيق على مشروع كامل ده بيحسس اللى بيشتغل بالانجاز وبيشجعه
4- سرعة الاستجابة على الرسايل في أي وقت ده بينجز جدا وبيطمن كمان
5- أهم حاجة انه مش كورس عشان شهاده هو بيعلم فعلا اللى عاوز يتعلم
أنا سعيدة جدا اني في التجربة دي وأكيد لو في كورسات تانية هشترك علطول .

profile-pic
منى أحمد
مهندسة في التخطيط الاقليمي والعمراني

كورس الاحتراف ف الماكس وليس دوره الماكس

نظام تعليمي جديد …يجمع بين المدرس والطالب ف صوره افضل واعطاء معلومات زياده بعكس السابق كنا الاول تاسكات ف البيت ونروح نمل من الشرح وقت الكورس وان وقع مننا درس يروح علينا البرنامج كله ….نظاااااااااااام بجد كوووووووويس جد وفكره متميزه تستحق الانتشار والتقدير جدااااااااا فيديوهات مدتها لاتتجاوز عن 10 دقايق وكاننا قاعدين ع اي سوشيال مديا وشرح مبسط جدااااااااا واليوم اللي بنغيبه بنعرف تعوضه …..ف كل التقدير والاحترام ل م محمد دجله ….ع الشرح و المجهود الراءع ع السايت مبسط جدااااااااااااااااااااا

profile-pic
مي بدوي
طالبة في جامعة الدلتا

لو عاوز تعرف تفاصيل اكتر عن كورس "البداية الصح فى الماكس المعماري" وكيفية الاشتراك فيها
اضغط على الزرار اللى تحت ⬇

و هيتبعتلك رسالة اوتوماتيكية فورا على الفيس بوك فيها كل التفاصيل


عندنا ايه الفتره الجاية !!

لاننا لقينا إقبال كبير على دورة البداية الصح فى الماكس المعمارى وردودكم الجميلة الى وصلتنا على طريقة الشرح والمنظومة التعليمية الى استمتعتم بيها كتير، عشان كدا احنا بنجهز محتوى ودورات تانية مختلفة فى حاجات كتير ان شاء الله تفيدكم:

  • (دورة إنتاجية الخبراء فى الماكس المعمارى) Advanced 3ds Max
  • Autodesk Revit Fundamentals
  • Photoshop Fundamentals
  • AutoCAD Fundamentals
  • Manual Presentation Fundamentals

احنا قضينا سنتين حلوين جدا بوجودكم جنبنا 🎆🎉 عدينا بحاجات كتير سوا و اتعلمنا 😍 وحققنا كتير من أهدافنا وبنطمح دايماً للمزيد 💪👌.

>