تحدي محركات الرندر Vray vs Corona

مؤخرا بدأت المنافسة تزداد قوة بشكل كبيرة جدا بين محركات الرندر المختلفة الملحقة بالماكس وبدأ الجدل عن مين الاقوى والاسهل والاسرع والابسط وهكذا وانقسم الناس على فرق مختلفة واحتدمت النقاشات على السوشيال ميديا وطبعا كالعادة اختلفت الآراء ووجهات النظر

في البوست دا هحاول ابسط ليكم مزايا وعيوب كل محرك منهم ونحاول نحدد ايه الانسب منهم لكل حالة من حالات الاستخدام المختلفة

⬅ بداية خلونا نعرف سريعا ايه هي محركات الرندر :

محركات الرندر هي برامج ملحقه ببرامج الرسم ثلاثية الابعاد ( الماكس _ الريفيت _ الاسكتش اب … )بتديله امكانيات اكتر من حيث الماتريال والاضاءات والإخراج النهائي للصور فهي تشتغل من جوا الماكس ولكنها تعتبر برامج منفصلة من شركات مختلفة بتنزل لوحدها بتتسطب لوحدها ويتم تفعيلها بردو بشكل منفصل ولكن بتشتغل من جوا البرامج الاساسيه نفسه 

الماكس بيكون عنده نوع بردو من محركات الرندر الي بتيجي معاه وممكن يشتغل بيها بدون ما يحتاج اي برامج اضافية ولكن محركات الرندر دي بتديله امكانيات اكتر قوة أكبر وواقعية أفضل في المخرجات النهائية ودا بسبب وجود شركات متخصصة شغاله على تطوير المحركات دي وتحسينها باستمرار فبتخليها اقوى من البرنامج الي بيجي مع الماكس نفسه 

وفي جميع الاحوال مجرد ما بتسطب اي برنامج من البرامج دي وتبدأ تتعامل بيه بتحس انه اصبح جزء من الماكس والتعامل معاه بيكون سلس ومفيش فيه اي مشاكل باذن الله 

⬅ إية هيا محركات الرندر الاكثر شهرة :

  • Vray
  • Corona

هنتكلم عن كل واحد بالتفصيل ف بوست منفصل ولكن خلينا نشرح سريعا الفروق الاساسيه بينهم دلوقتي

بالنسبه للفيراي - Vray

الفيراي يعتبر الاشهر والاكثر استخداما في الوقت الحالي تم تطويرة من شركة Chaos Group وهي شركة بلغارية اتأسست عام  1997 وبيتم استخدامه في كل المجالات الي بتتعلق بالميديا والتصميم زي صناعة الافلام وتصميم المنتجات والالعاب والعمارة


vray render

مميزات الفيراي :

  •  متوافق مع مجموعة كبيرة جدا من برامج الرسم
  • بيقدر يستخدم قوة كروت الشاشة في الرندر بجانب قوة المعالج
  • مليان اوبشنز فتقدر تتحكم في كل حاجة

بالنسبه للكورونا - Corona

الكورونا من البرامج الجديدة نسبيا الي ظهر سنة 2012 ولكنه قدم تجربة متميزة جدا من جودة عالية وسرعة في الرندر بيقدر يشتغل مع برامج : الثري دي ماكس والسينما فور دي وطبعا مزود بكل الخصائص الي محتاجها عشان تطلع شغل متكامل بسهولة ولكنه بيشتغل مع المعالجات فقط ومش بيستغل قوة كروت الشاشة في الرندر النهائي

Corona Render

مميزات الكورونا :

  • يقدر يطلع جودة عاليه في وقت اقل
  • سهل في التعامل معاه وتعلمه

الخلاصه Vray vs Corona

الفيراي : ​

هو الكينج الكبير فيه قنوات كتير بتدعمه بألااف الدروس التعليمية والبلوكات الجاهزة للاستخدام ومكتبات الماتريالز  وطبعا فيه كل الاوبشنز الي ممكن تحتاجها في السيناريوهات المختلفه ولو بتعرف تستخدمها كويس هتقدر تحقق سرعه رندر اعلى من الكورونا بسهولة هوا يعتبر معقد شوية اكتر من الكورونا ولكن دي ممكن تكون ميزة للناس المحترفين لانه بيديلهم امكانية اكبر للتحكم في كل حاجة. وطبعا دعمه لاستخدام قوة كروت الشاشه ممكن تديله ميزة تنافسيه اكبر في المستقبل وأخيرا فهوا يعتبر اغلى بكتير من الكورونا.


الكورونا :

اسرع في كتير من الحالات وابسط في التعامل ويقدر يطلعلك نتايج كويسة بدون تعقيدات كتير ولكنه طبعا يتفتقد لبعض الاوبشنز المتقدمة ولكنه بيتطورو بسرعه واعتقد هيقدرو يوفرو الاوبشنز دي قريبا ولكن طبعا هوا محدود جدا من ناحية البرامج الي تقدر تستخدمها معاه يعتبر رخيص نسبيا ولكنه بيحتاج اشتراك شهري مستمر متقدرش تشتريه مرة واحدة وخلاص زي الفيراي

لو عاوز تعرف تفاصيل اكتر عن "كورس البداية الصح فى الماكس المعماري" وكيفية الاشتراك فيها
اضغط على الزرار اللى تحت ⬇

و هيتبعتلك رسالة اوتوماتيكية فورا على الفيس بوك فيها كل التفاصيل

شارك الان لنشر المعرفة
>